Centro de innovación para o desenvolvemento sustentable
O noso modelo de traballo impleméntase dende o Centro de Innovación para o Desenvolvemento Sustentable (CCTI).
Trátase dun espazo que pon o coñecemento ao servizo da creatividade para que a través do talento se formulen propostas para afrontar problemas actuais ou, a través da análise de tendencias e cunha visión de longo prazo, aos problemas que están por vir.
Básicamente, a función do CCTI é xerar debate, pensamento e reflexión de cara ao establecemento dunha verdadeira axenda da sustentabilidade. Para elo o centro conta cos Think Tanks para dotarse de contidos que son compartidos a través de múltiples actividades divulgativas (exposicións, xornadas, conferencias…), pero en especial a través da xeración dun amplo e aberto debate cara a sustentabilidade.
Como contribución concreta á esta axenda, dende o propio CCTI se trata de implementar o cambio teórico dando apoio para o desenvolvemento de iniciativas sustentables e actuando como catalizador da innovación sustentable nas PEMES.
Para elo desenvolve entre outras as seguintes actividades:
- promocionar e apoiar a participación en programas internacionais de cooperación tecnolóxica
- potenciar a transferencia de tecnoloxía empresarial e dos servizos de apoio á innovación tecnolóxica
- apoiar a creación de empresas de base sustentable ou iniciativas innovadoras dentro de empresas xa existentes
